Llwyddiant: Marc Ansawdd Efydd ar gyfer Gwaith Ieuenctid yng Nghymru

Group of ProMo Cymru staff stood together, smiling for a photo with a wooden plaque to showcase the Bronze Youth Work Award.

Rydym yn hynod falch o gael cyhoeddi bod ProMo Cymru wedi derbyn y Marc Ansawdd Efydd ar gyfer Gwaith Ieuenctid yng Nghymru!

Beth ydy’r Marc Ansawdd?

Yn cael ei weinyddu gan Gyngor y Gweithlu Addysg (CGA), mae’r Marc Ansawdd yn wobr genedlaethol sydd yn cefnogi ac yn adnabod gwella safonau mewn darpariaeth a pherfformiad sefydliadau sydd yn darparu gwasanaethau gwaith ieuenctid. Mae angen i sefydliadau gwaith ieuenctid hunanasesu yn erbyn cyfres o safonau ansawdd a phasio asesiad allanol er mwyn derbyn yr achrediad.

Dywedodd Andrew Borsden, Swyddog Datblygu Cyngor y Gweithlu Addysg (CGA) ar gyfer y Marc Ansawdd ar gyfer Gwaith Ieuenctid, “Llongyfarchiadau mawr i ProMo Cymru ar gyrraedd y Marc Ansawdd efydd.

“Mae sefydliadau fel ProMo Cymru yn cynnig gwasanaethau pwysig i lawer o bobl ifanc ledled Cymru. Rwy’n falch o weld bod gwaith caled ac ymrwymiad y tîm cyfan wedi cael ei gydnabod.”

Roedd un o’r aseswyr, Mick Conroy, wedi disgrifio ProMo fel “Ciplun o sut y dylai Gwaith Ieuenctid yr 21ain ganrif edrych”

Dywedodd Marco Gil-Cervantes, Prif Weithredwr ProMo Cymru, “Rydym yn falch iawn o’r bobl ifanc rydym yn gweithio â nhw, ein staff, a chyflawni’r Marc Ansawdd Efydd – mae’r broses wedi helpu i’n harwain yn bositif tuag at y dyfodol.”

Bronze Youth Work Award Logo

Ymdrech Tîm

Hoffem ddiolch i’r bobl ifanc a gyfrannodd tuag at ProMo yn derbyn y wobr hon. Mae hyn yn cynnwys yr Ymchwilwyr Cyfoed sydd yn rhan o’r prosiect Meddwl Ymlaen Gwent, y bobl ifanc sydd yn rhan o Radio Platfform, a’r bobl ifanc sydd wedi gweithio ar TheSprout. Eu lleisiau a’u profiadau nhw sydd wrth galon ein gwaith. Eu gwytnwch, creadigrwydd a’u hangerdd nhw sydd yn ein hysbrydoli’n barhaol.

Hoffem hefyd fynegi ein gwerthfawrogiad mawr i’r staff, profwyd bod eu gwaith nhw yn cael effaith bositif ar fywydau pobl ifanc.

Dywedodd Sue Hayes, ein Rheolwr Cymorth Corfforaethol, “Wrth fy modd cael cyfle i arwain ar gwblhau’r hunanasesiad Marc Ansawdd Efydd ar gyfer Gwaith Ieuenctid yng Nghymru yn llwyddiannus.

“Mae’r cyflawniad yma yn gam sylweddol yn ein hymrwymiad i ddylunio, adeiladu, ac eirioli gyda phobl ifanc a chymunedau er mwyn gwneud i bethau da ddigwydd.”

Group of ProMo Cymru staff stood together, smiling for a photo with a wooden plaque to showcase the Bronze Youth Work Award.

Cyfle i hunan fyfyrio a datblygu

Mae gwneud cais am y Marc Ansawdd Efydd hefyd wedi rhoi cyfle gwych i ni fyfyrio ar ein harferion a’n gwasanaethau. Mae wedi atgyfnerthu ein methodoleg o Ddylunio Gwasanaeth.

Mae wedi ein hannog i ailadrodd yn barhaus i wella ansawdd y gwaith ieuenctid rydym yn darparu i bobl ifanc Cymru. Mae’r cyflawniad yma yn gymhelliant i fireinio ein strategaethau, addasu i anghenion newidiol, ac archwilio ffyrdd arloesol o rymuso a chefnogi pobl ifanc.

Halyna Soltys
3 Tachwedd 2023

star

Newyddion

divider

Erthyglau Perthnasol

Staff member from Conwy Connect delivering a presentation at the Digital Service Design Training Programme
star

Astudiaethau Achos DTS

Cyswllt Conwy Yn Creu CRM Yn Canolbwyntio ar Ddefnyddwyr

Bu ProMo Cymru yn cefnogi ‘Cyswllt Conwy’ i symud o daenlenni rhwystredig i system CRM bwrpasol, hawdd i’w defnyddio. Beth oedd y broblem? Sefydlwyd Cyswllt Conwy ar gyfer Anableddau Dysgu yn 1997 i helpu hyrwyddo hawliau pobl gydag anableddau dysgu sy’n byw yng Ngogledd Cymru. Mae ei nodau yn cynnwys sicrhau bod pobl yn cael […]

star

Llinell Gymorth

Hysbyseb Swydd: Eiriolwr Gynghorwr Llinell Gymorth  

Gwnewch Wahaniaeth: Byddwch yn Bencampwr i Bobl Ifanc  Eiriolwr Gynghorwr Llinell Gymorth gyda Meic a thîm Gweithredu Cymdeithasol ProMo Cymru (llawn amser, rhan amser, sesiynol, dan hyfforddiant)  Ydych chi’n awyddus i wneud gwahaniaeth ym mywydau pobl bob dydd?  Rydym yn chwilio am Eiriolwyr Gynghorwyr Llinell Gymorth angerddol ac ymroddedig. Byddech yn bencampwr dros blant, pobl […]

Picture of the top half of a bearded man in a white shirt smiling at the camera. The background is black. This is the Chief Executive of ProMo Cymru, Marco Gil-Cervantes.
star

Newyddion

Gwireddu Newid – Ymunwch â Bwrdd ProMo

Ydych chi’n angerddol am waith ieuenctid a chymunedol? Yn awyddus i ddefnyddio’ch sgiliau i wireddu newid go iawn ym mywydau pobl ifanc a chymunedau ledled Cymru? Yna ymunwch â’n Bwrdd. Mae dod yn Ymddiriedolwr gyda ProMo Cymru yn gyfle gwych i ddatblygu eich sgiliau arweinyddiaeth, ennill profiad yn y sector elusennol a dielw, a chyfrannu […]