{"id":20327,"date":"2023-02-08T00:00:00","date_gmt":"2023-02-08T00:00:00","guid":{"rendered":"https:\/\/promo.cymru\/?post_type=resource&p=20327"},"modified":"2026-02-09T15:04:05","modified_gmt":"2026-02-09T15:04:05","slug":"deg-awgrym-i-arweinwyr-digidol-newydd-elusennau","status":"publish","type":"resource","link":"https:\/\/promo.cymru\/cy\/resource-articles\/deg-awgrym-i-arweinwyr-digidol-newydd-elusennau\/","title":{"rendered":"Deg awgrym i arweinwyr digidol newydd elusennau\u00a0\u00a0\u00a0"},"content":{"rendered":"\n

Pan oeddwn yn tyfu i fyny yng Ngorllewin Iwerddon yn y 1970au, sefydlwyd cwmni newydd o\u2019r enw Digital Equipment Corporation<\/em>. Cafodd ei adnabod yn lleol fel \u2018Digital\u2019 ac roedd 600 o bobl yn gweithio yno pan agorodd.   <\/p>\n\n\n\n

Erbyn heddiw, dros y byd, mae bron pawb dwi\u2019n eu \u2018nabod yn gweithio yn y maes digidol mewn rhyw ffordd, yn defnyddio\u2019r dechnoleg ac ychydig o\u2019r diwylliant, prosesau a modelau busnes o oes y rhyngrwyd er mwyn ymateb i ddisgwyliadau uwch pobl \u2013 i aralleirio\u2019r arbenigwr digidol Tom Loosemore.   <\/p>\n\n\n\n

Ond mae nifer o bobl <\/strong>wedi cael eu tynnu mewn i’r gwaith, a r\u0175an yn archwilio be mae\u2019n ei olygu i fod yn arweinydd digidol yn eu helusennau.    <\/p>\n\n\n\n

Os mai chi yw\u2019r un sydd newydd gychwyn fel arweinydd digidol i’ch elusen \u2013 sut mae\u2019n mynd hyd yn hyn? Ydych chi\u2019n gwybod ble i ddechrau? Oes \u2018na rhywun wedi gofyn i chi ddarparu gwasanaeth newydd drwy ddefnyddio technoleg?   <\/p>\n\n\n\n

Pwrpas yr erthygl yma yw cynnig awgrymiadau cyffredinol ar sut i sicrhau llwyddiant fel arweinydd digidol, wedi\u2019i seilio ar fy mhrofiad o gydweithio a chefnogi pobl sy\u2019n gwneud yr un peth.   <\/p>\n\n\n\n

Cymerwch olwg ar yr arweiniad   <\/h3>\n\n\n\n

Os ydych erioed wedi meddwl \u201cbeth sydd angen i mi wybod?\u201d am dechnoleg, mae edrych ar awgrymiadau\u2019r llywodraeth, Fframwaith sgiliau digidol hanfodol<\/a>, yn le da i gychwyn. Mae pum rhan; cyfathrebu, delio gyda chynnwys a gwybodaeth, gweithredu, datrys problemau a bod yn ddiogel a chyfreithlon ar lein. Gall ystyried y fframwaith hwn wneud i chi deimlo\u2019n fwy hyderus am eich sgiliau, a\u2019ch helpu i benderfynu ble y gallech wella eich hun a\u2019ch sefydliad.  <\/p>\n\n\n\n

Efallai y byddwch yn meddwl \u201cBe mae fy sefydliad angen ei wybod?\u201d ac mae yna sawl ffordd o fesur eich aeddfedrwydd digidol, megis yr un gan NCVO<\/a>, un gan SCVO<\/a> a phost blog gyda rhestr wirio<\/a> ddefnyddiol gan Kayleigh Alexandra.\u00a0\u00a0\u00a0<\/p>\n\n\n\n

Peidiwch \u00e2 meddwl bod angen newid popeth   <\/h3>\n\n\n\n

Weithiau mae\u2019r iaith mae pobl sy\u2019n defnyddio technoleg bob dydd yn gallu bod yn annifyr. Weithiau mae defnyddio termau fel \u2018trawsnewid digidol\u2019 yn gallu llethu rhywun, ac yn awgrymu bod rhaid i chi newid popeth am eich sefydliad. Fel person sy\u2019n cychwyn archwilio posibiliadau technoleg, gall deimlo\u2019n anodd gwybod ble i ddechrau.   <\/p>\n\n\n\n

Ar ben hynny, mae\u2019n bosib bod cyfrifoldeb am dechnoleg yn dasg ychwanegol ar ben eich cyfrifoldebau eraill. Mae\u2019n bosib nad oedd gan eich swydd \u2018digidol\u2019 yn y teitl neu yn y swydd ddisgrifiad, a\u2019r peth olaf rydych chi angen ydi rhywbeth arall i boeni amdano.   <\/p>\n\n\n\n

Yn benodol, pan mae pobl yn trafod trawsnewid digidol, mae\u2019n rhoi\u2019r argraff bod rhaid i chi newid holl systemau eich elusen.   <\/p>\n\n\n\n

Ond mae sawl un o\u2019r systemau yn gweithio. Efallai nad ydy nhw\u2019n gweithio\u2019n dda, ond mae pawb yn y sefydliad yn fodlon gyda\u2019r ffordd maent yn gweithio, a ddim yn awyddus i dreulio amser yn newid pethau. Mae amser fel aur i elusennau bach felly mae newid sylweddol, fel arfer newid systemau, yn golygu goblygiadau mawr i bawb sydd ynghlwm \u00e2\u2019r gwaith.   <\/p>\n\n\n\n

Gofynnwch y \u2018cwestiynau gwirion\u2019  <\/h3>\n\n\n\n

Ni allwn ni i gyd gofio sut i wneud popeth drwy’r amser, a phan rydyn ni dan bwysau, rydyn ni’n anghofio rhai o’r pethau rydyn ni wedi’u dysgu. Felly mae angen i bobl sy\u2019n rhannu eu sgiliau gyda ni, yn enwedig sgiliau digidol, fod yn amyneddgar ac yn barod i ailadrodd pethau, weithiau sawl gwaith. Mae hyn yn arbennig o wir ar gyfer pobl sydd wedi hen arfer \u00e2 thechnoleg sy\u2019n ymuno \u00e2 byrddau elusennau bach \u2013 ond mae hynny\u2019n flog arall!   <\/p>\n\n\n\n

Adeiladwch rwydweithiau   <\/h3>\n\n\n\n

Mae yna sawl rwydwaith defnyddiol iawn ar gyfryngau cymdeithasol fel Facebook, ble mae grwpiau fel Cysylltiadau Cyhoeddus a Chyfathrebu i’r Trydydd Sector<\/a> neu Sgwrs Codi Arian<\/a> yn bodoli. Mae X (Twitter gynt) yn gallu bod yn ddefnyddiol iawn hefyd. Mae pobl yn gofyn bob math o gwestiynau am dechnoleg gyda\u2019r hashnod #lazyweb gyda amrywiaeth o atebion, rhai yn ddefnyddiol iawn.   <\/p>\n\n\n\n

Gwnewch ychydig o “ddarganfod”   <\/h3>\n\n\n\n

Mae darganfod yn un o\u2019r geiriau mae pobl dechnolegol yn ei ddefnyddio i ddisgrifio eu gwaith ar gychwyn prosiect. Mae\u2019n cynnwys adnabod ffiniau\u2019r prosiect, be mae pobl eisiau ei gyflawni (yn cynnwys defnyddwyr y gwasanaeth), beth yw\u2019r prif rwystrau, a beth sydd angen ei wneud i symud y prosiect ymlaen i’r cam nesaf. Mae\u2019n derm da i fod yn gyfarwydd ag o wrth i chi setlo fewn i’ch r\u00f4l newydd.   <\/p>\n\n\n\n

Dewch o hyd i’ch pobl   <\/h3>\n\n\n\n

Y peth gwych am fod yn arweinydd digidol mewn elusen fach yw nad chi yw\u2019r unig un ar y daith yma. Bydd eich cylch yn cynnwys pobl y gallwch chi gael cyngor dibynadwy ganddynt a fedrwch chi werthfawrogi eu barn. Bydd eu profiadau a\u2019u gwerthoedd yn debyg iawn i’ch rhai chi.   <\/p>\n\n\n\n

Fel mae\u2019r hen g\u00e2n o\u2019r comedi Americanaidd Cheers yn mynd, mae ‘na lefydd ble mae pawb yn gwybod eich enw, a bob amser yn falch eich bod wedi dod \u2013 mae’r llefydd yma ar gael ar y we, drwy Facebook a Twitter, a byddwn i’n argymell eich bod yn ymuno \u00e2 nhw os nad ydych chi wedi yn barod, i ddod o hyd i bobl debyg i chi.   <\/p>\n\n\n\n

Fel arweinydd digidol, bydd cyfleoedd i gysylltu gyda phobl mewn sefydliadau eraill sy\u2019n gwynebu heriau tebyg i chi: trio gwneud i rywbeth weithio mewn ffordd wahanol, gyda thechnoleg sy\u2019n newydd neu\u2019n anghyfarwydd, gweithio gyda phobl ar bobl lefel sydd efallai yn gyndyn o newid.   <\/p>\n\n\n\n

Efallai na fydd rhai pobl yn gweithio yn yr un sector \u00e2 chi, ac mae hynny\u2019n iawn. Mae pethau sy\u2019n gweithio mewn un sector yn gallu cael eu trosglwyddo i sectorau eraill. Rwyf wedi cwrdd \u00e2 nifer o bobl hynod o ddefnyddiol drwy fynychu <\/strong>cyfarfodydd cwrdd<\/a> a unconferences<\/a>   <\/p>\n\n\n\n

Peidiwch \u00e2 bod ofn   <\/h3>\n\n\n\n

Mae\u2019n annhebygol iawn i chi dorri eich cyfrifiadur, oni bai eich bod yn tollti diod poeth drosto (pl\u00ees peidiwch \u00e2 thrio hyn) felly peidiwch \u00e2 bod ofn trio meddalwedd newydd cyn belled \u00e2\u2019ch bod yn hyderus o ble mae wedi dod. Fedrwch chi ei ddadosod os nad yw\u2019n gwneud beth oedd ei angen arnoch chi neu\u2019n arafu eich system. Os nad ydych yn si\u0175r, gofynnwch i rywun yn eich cylch, neu ewch i chwilio ar YouTube. <\/p>\n\n\n\n

Meddyliwch eto am greu o\u2019r newydd <\/h3>\n\n\n\n

Efallai eich bod yn meddwl na all unrhyw system bresennol ddelio gyda anghenion penodol eich sefydliad, ac os ydych yn ystyried awtomateiddio efallai eich bod yn meddwl bod angen creu rhywbeth o\u2019r newydd, wedi\u2019i ddylunio ar gyfer defnyddwyr eich gwasanaeth.    <\/p>\n\n\n\n

 Y gwirionedd yw, bod y rhan fwyaf o systemau sy\u2019n bodoli\u2019n barod yn gallu cael eu haddasu neu\u2019n teilwra i ddiwallu eich anghenion. Cysylltwch gyda gr\u0175p o ddefnyddwyr neu gymuned ar-lein sydd gan brofiad gyda\u2019r system rydych yn ei ystyried a gofynnwch iddyn nhw am y system cyn ei ddefnyddio.    <\/p>\n\n\n\n

Rheoli eich uwch arweinwyr    <\/h3>\n\n\n\n

Efallai nad yw eich Prif Weithredwr neu uwch arweinwyr wedi eu darbwyllo am ddigidol, ac fe all hynny fod yn her os ydych yn trio symud prosiectau digidol ymlaen. Byddai\u2019n ddefnyddiol i chi (a nhw) pe baent ar gyfryngau cymdeithasol ac yn dod i gysylltiad ag eraill mewn sefyllfa debyg.  Ond ym mha bynnag ffordd, mae\u2019n bwysig eich bod mewn cysylltiad rheolaidd gyda\u2019r Prif Weithredwr a\u2019r uwch arweinwyr i\u2019w helpu i ddeall be ydych chi\u2019n ei gyflawni. Rwyf yn cynnig sesiynau ar \u2018Rheoli dy reolwr\u2019 yn sawl un o\u2019r digwyddiadau rwyf yn ei mynychu.    <\/p>\n\n\n\n

Gwnewch y mwyaf o\u2019r cymorth sydd ar gael  <\/h3>\n\n\n\n

Nid oes gan y rhan fwyaf o arweinwyr digidol mewn elusennau bach yr amser na\u2019r awydd i ddarllen adroddiadau hir, neu fynychu digwyddiadau digidol \u2013 maent angen gwybodaeth a data y gallent ei ddeall a\u2019i ddefnyddio yn weddol gyflym, er mwyn gwneud y mwyaf o\u2019u hamser a peidio esgeuluso gweddill eu tasgau chwaith, yn sicr ar ddechrau eu taith fel arweinydd digidol.  <\/p>\n\n\n\n

Sut ydych yn penderfynu beth sydd orau i’w fynychu, a pa sefydliadau sydd yn ddibynadwy, pan mae hyd yn oed pobl sydd gan flynyddoedd o brofiad yn cael trafferth gyda hyn?    <\/p>\n\n\n\n

Dydych chi ddim eisiau gwastraffu eich amser yn mynychu hyfforddiant a chynadleddau amherthnasol oherwydd eu bod ddim yn canolbwyntio ar elusennau bach.    <\/p>\n\n\n\n

 Yn ffodus, mae yna adnoddau defnyddiol ac ystyriol yn dod gan sefydliadau ac unigolion sydd eisiau rhoi cymorth i weithwyr elusennau ar eu taith ddigidol \u2013 rwyf wedi rhestru rhai dwi\u2019n ymwybodol ohonynt yn nhrefn yr wyddor:    <\/p>\n\n\n\n

<\/p>\n\n\n\n