{"id":21732,"date":"2023-02-08T00:00:00","date_gmt":"2023-02-08T00:00:00","guid":{"rendered":"https:\/\/promo.cymru\/?post_type=resource&p=21732"},"modified":"2025-07-21T11:58:18","modified_gmt":"2025-07-21T10:58:18","slug":"creu-cyflwyno-dysgu-arlein-cynhwysol","status":"publish","type":"resource","link":"https:\/\/promo.cymru\/cy\/resource-articles\/creu-cyflwyno-dysgu-arlein-cynhwysol\/","title":{"rendered":"Sut i Greu a Chyflwyno Dysgu Ar-lein Cynhwysol"},"content":{"rendered":"\n

Mae profiad dysgu cynhwysol yn ystyried eich cynulleidfa a’r rhwystrau neu’r heriau y gallent eu hwynebu wrth ymgysylltu \u00e2 dysgu.<\/h3>\n\n\n\n
\n\n\n\n
<\/div>\n\n\n\n

Pam fod profiadau dysgu cynhwysol yn bwysig<\/h4>\n\n\n\n
<\/div>\n\n\n\n

Mae hyn yn arbennig o bwysig ar-lein, gan fod gennych lai o wybodaeth a chyd-destun am eich dysgwyr ac mae’n anoddach gweld os yw rhywun yn profi unrhyw rwystrau.<\/p>\n\n\n\n

Rhwystr yw unrhyw beth sydd yn golygu bod rhaid i rywun gysylltu gyda dysgu mewn ffordd wahanol. Mae’n cynnwys unrhyw namau dros dro neu sefyllfaol a allai fod yn anablu eu gallu i gymryd rhan yn y gweithgaredd dysgu (e.e. jyglo cyfrifoldebau gofal neu ymuno \u00e2\u2019r dysgu o amgylchedd swnllyd).<\/p>\n\n\n\n

Pan fyddwch chi’n dileu rhwystrau i rai rydych chi’n eu dileu i bawb<\/h4>\n\n\n\n
<\/div>\n\n\n\n

Mae dysgu hygyrch yn dileu’r gofyniad i unrhyw un orfod datgelu bod ganddynt anhawster neu anabledd. Nid yw pawb eisiau datgelu hynny. Mae hefyd yn dileu’r angen i ail-gynllunio deunydd neu greu adnoddau arall i weddu i anghenion unigol. Dylai darparu hyblygrwydd ac opsiynau eich helpu i ragweld a mynd i’r afael \u00e2’r rhan fwyaf o rwystrau. Pan fyddwch chi’n dileu rhwystrau, rydych chi’n gwneud hynny i bawb.<\/p>\n\n\n\n

Naw darn o gyngor i fod yn gynhwysol<\/h3>\n\n\n\n
<\/div>\n\n\n\n

1. Defnyddiwch amrywiaeth o ddulliau<\/h4>\n\n\n\n

Bydd dulliau cymysg yn rhoi cyfle i bobl gyfleu eu meddyliau, eu hemosiynau a’u barn mewn ffordd sydd fwyaf cyfforddus iddynt. Er enghraifft, mae gan Beyond* weminarau, gweithdai, Huddles, a sesiynau 1:1 ar gyfer dysgu. Os oes gan ein dysgwyr unrhyw gwestiynau neu bryderon, gellir cyrraedd y t\u00eem trwy Zoom, Slack, e-byst, neu dros y ff\u00f4n mewn ymgais i wneud hygyrchedd dysgu ac ymgysylltu yn agnostig. [* Sylwer: mae rhaglen Beyond bellach wedi dod i ben.]<\/p>\n\n\n\n

2. Cynnig opsiwn i ddewis ymuno mewn rhai gweithgareddau neu beidio<\/h4>\n\n\n\n

Mae pawb yn dysgu\u2019n wahanol, ac mae bod yn hyblyg yn caniat\u00e1u i bobl gael perchnogaeth o\u2019u dysgu a gallant ddewis gweithio ar rywbeth o’u dewis nhw  e.e. gyda’n gweithdy Prototeipio ar Waith. O’r cychwyn cyntaf, mae’r dull yma yn rhoi cyfle i ddysgwyr roi adborth ac adlewyrchu eu barn am yr amgylchedd dysgu wrth iddynt wneud eu penderfyniadau eu hunain.<\/p>\n\n\n\n

3. Gosod disgwyliadau clir ar gyfer tasgau, gan gynnwys yr hyn sy’n ‘ddigon’<\/h4>\n\n\n\n

Mae hyn yn annog dysgu gweithredol ac yn hyrwyddo normau clir o ymgysylltu i bobl e.e. nodi faint o amser y dylai tasg benodol ei gymryd. Gall hyn hefyd helpu i feithrin cysylltiad, ac ymateb i bryderon sydd gan eich dysgwyr. Mae gosod disgwyliadau clir, a deall y dylai dysgwyr ddim ond gwneud cymaint ag sy’n teimlo’n bosib iddynt, yn gallu helpu pobl i deimlo eu bod yn cael eu cefnogi a’u paratoi yn yr amgylchedd, gall arwain at gynhyrchu gwaith o ansawdd uchel.<\/p>\n\n\n\n

4. Ystyried medusrwydd<\/h4>\n\n\n\n

Efallai bod rhai pobl yn gyfyngedig o ran gallu cydlynu symudiad. Gall fod yn fuddiol i gau’r bwlch cynhwysiant heb orfod dibynnu ar y dybiaeth bod pawb yn defnyddio dyfeisiau, fel bysellfwrdd a llygoden, yn yr un ffordd.<\/p>\n\n\n\n

5. Cynnwys (a chymryd) egwyl<\/h4>\n\n\n\n

Mae pawb wedi bod yn gaeth i fod o flaen sgrin am oriau, gall fod yn anodd i sawl un. Gall seibiannau leddfu’r llwyth gwybyddol; gan helpu gyda chanolbwyntio a chynyddu cynhyrchiant. Mae yna fanteision eraill hefyd, gan gynnwys lleihau straen, rhoi hwb i’r cof a’r creadigrwydd, a pherfformiad da.<\/p>\n\n\n\n

6. Rhannu recordiad o’r sesiwn<\/h4>\n\n\n\n

Yna aml, gall gweithdai a gweminarau fod yn addysgiadol iawn, sydd yn wych, ond gallant fod yn anodd i rai. Mae recordio\u2019r sesiynau (i\u2019w rhannu\u2019n gyhoeddus neu gyda\u2019r mynychwyr yn unig) yn helpu pobl i wrando a\/neu wylio eto a dysgu ar gyflymder eu hunain os ydynt wedi methu rhywbeth, neu ddim yn gallu mynychu’r sesiwn lawn. Mae hefyd yn ddefnyddiol i bobl sydd eisiau ail-wylio cynnwys er mwyn gallu deall. Gallant reoli cyflymder y cynnwys wedyn.<\/p>\n\n\n\n

7. Braslunio’ch agenda<\/h4>\n\n\n\n

Gall hyn gynnwys sylabws y cwrs neu’r hyn sy’n cael ei gynnwys ym mhob sesiwn. Bydd bod yn agored am hyn yn tawelu meddwl pobl bod eu hanghenion yn cael eu diwallu, a hefyd yn helpu i nodi unrhyw fylchau yn y ddarpariaeth fel y gallant dynnu sylw at hyn.<\/p>\n\n\n\n

8. Osgoi idiomau a jargon<\/h4>\n\n\n\n

Os nad yw rhywun yn gyfarwydd \u00e2’r pwnc, gall hyfforddiant deimlo’n llethol weithiau. Gall defnyddio jargon neu idiomau fod yn rhwystr ychwanegol, tra bod defnyddio iaith glir yn gallu helpu pobl i ddeall gwybodaeth ysgrifenedig yn gyflym ac yn hawdd. Gall hefyd helpu siaradwyr i gyfleu eu neges, gan gyfyngu ar unrhyw gamddealltwriaeth bosibl.<\/p>\n\n\n\n

9. Creu cynnwys hygyrch<\/h4>\n\n\n\n

Mae cynnwys hygyrch yn rhoi mynediad a chyfle cyfartal ac yn creu amgylchedd cyfeillgar.<\/p>\n\n\n\n

Wrth greu cynnwys, yr arfer gorau yw sicrhau bod eich cynnwys yn weledol ac ar-weledol (e.e. is-deitlau ar fideo), bod gan eich delweddau ddisgrifiadau ynghlwm ac yn cynnwys testun amgen (Alt text).<\/p>\n\n\n\n

Gall hygyrchedd deimlo\u2019n gymhleth neu\u2019n llethol, ond gall dilyn y camau ymarferol yma sicrhau bod pawb sy\u2019n ymgysylltu \u00e2\u2019ch gwaith yn gallu manteisio i\u2019r eithaf.<\/p>\n\n\n\n

Adnoddau defnyddiol<\/h4>\n\n\n\n