{"id":23125,"date":"2026-04-01T22:04:19","date_gmt":"2026-04-01T21:04:19","guid":{"rendered":"https:\/\/promo.cymru\/?post_type=resource&p=23125"},"modified":"2026-04-16T16:38:25","modified_gmt":"2026-04-16T15:38:25","slug":"canva-ai-canllaw-i-sefydliadau-dielw","status":"publish","type":"resource","link":"https:\/\/promo.cymru\/cy\/resource-articles\/canva-ai-canllaw-i-sefydliadau-dielw\/","title":{"rendered":"Adnoddau AI\u00a0Canva:\u00a0Canllawiau\u00a0ar gyfer\u00a0Sefydliadau Nid-er-elw\u00a0"},"content":{"rendered":"\n

Rhag ofn nad ydych wedi dod ar draws Canva o\u2019r blaen, adnodd dylunio rhad ac am ddim ydyw sy\u2019n eich galluogi i greu graffigwaith cyfryngau cymdeithasol, cyflwyniadau, posteri, cylchlythyrau, a llawer mwy. Ni fyddwch angen profiad mewn dylunio. Dyma un o\u2019r adnoddau a ddefnyddir yn fwyaf eang yn y trydydd sector gan ei fod yn hawdd ei ddefnyddio ac yn gyflym, a chan ei fod yn cynhyrchu canlyniadau proffesiynol yr olwg heb fod angen meddu ar sgiliau arbenigol. <\/p>\n\n\n\n

Mae Canva wedi bod yn ymgorffori AI yn dawel fwy neu lai ym mhob agwedd ar ei lwyfan, gan grwpio\u2019r nodweddion hyn dan yr enw Magic Studio<\/strong>. <\/p>\n\n\n\n

Mae\u2019r cynllun am ddim yn cynnwys mynediad at nifer o nodweddion AI gyda therfynau defnyddio misol, tra mae\u2019r cynllun Pro yn cynnig lwfans mwy ar draws yr holl adnoddau AI. <\/p>\n\n\n\n

Fodd bynnag, gall elusennau a sefydliadau nid-er-elw gael gafael ar\u00a0Canva\u00a0Pro\u00a0yn rhad ac am ddim<\/strong>\u00a0trwy gyfrwng\u00a0rhaglen nid-er-elw\u00a0Canva<\/a>.\u00a0Efallai mai dyma\u2019r wybodaeth bwysicaf a\u00a0gynhwysir\u00a0yn yr erthygl hon.\u00a0<\/p>\n\n\n\n

Magic Write<\/strong><\/h2>\n\n\n\n

Magic Write yw\u2019r \u2018adnodd cynhyrchu testun\u2019 a ymgorfforir yn Canva. Os ydych wedi defnyddio ChatGPT neu Co-Pilot, byddwch eisoes yn gyfarwydd \u00e2\u2019r math hwn o adnodd. Gallwch ei ddefnyddio i lunio testun ar gyfer postiadau cyfryngau cymdeithasol, cyflwyniadau, cylchlythyrau, taflenni, neu ymron unrhyw fath arall o gynnwys, heb adael y golygydd dylunio. Rhowch ddisgrifiad byr iddo o\u2019r hyn rydych ei angen, gan nodi\u2019r cywair, ac yna bydd yn cynhyrchu drafft cyntaf y gallwch ei olygu. <\/p>\n\n\n\n

Mae\u2019r adnodd hwn yn arbennig o ddefnyddiol ar gyfer cynhyrchu negeseuon cyfathrebu cyson yn gyflym, yn enwedig pan fyddwch yn gweithio ar amryfal ymgyrchoedd neu sianeli ar yr un pryd. Fel yn achos unrhyw adnodd ysgrifennu AI, ystyriwch yr allbwn fel man cychwyn yn hytrach na gwaith gorffenedig, a chofiwch ei adolygu bob amser cyn ei gyhoeddi. <\/p>\n\n\n\n

Magic Design<\/strong><\/h2>\n\n\n\n

Yn hytrach na dechrau gweithio ar gynfas gwag neu chwilio trwy dempledi, mae Magic Design yn eich galluogi i ddisgrifio\u2019r hyn rydych ei angen a chynhyrchu cynllun dylunio y gellir ei olygu. Gallwch deipio rhywbeth fel \u201cpostiad cyfryngau cymdeithasol ar gyfer ymgyrch codi arian, cywair cyfeillgar\u201d, a bydd yn cynhyrchu nifer o opsiynau y gallwch ddewis o\u2019u plith. <\/p>\n\n\n\n

Gall arbed amser pan fyddwch angen cynhyrchu rhywbeth yn gyflym a phan na fyddwch yn si\u0175r ble i ddechrau. Bydd y dyluniadau a gaiff eu creu yn dod gyda haenau ar wah\u00e2n y gellir eu golygu \u2013 testun, delweddau a chefndiroedd \u2013 felly, gallwch addasu\u2019r dyluniad yn rhwydd i weddu i\u2019ch brand. <\/p>\n\n\n\n

Cynhyrchu delweddau\u00a0trwy ddefnyddio\u00a0AI\u00a0<\/strong><\/strong><\/h2>\n\n\n\n

Mae \u2018adnodd cynhyrchu delweddau\u2019 Canva yn eich galluogi i greu delweddau gweledol ar sail disgrifiad testun. Teipiwch yr hyn y dymunwch ei weld, ac yna bydd yn cynhyrchu delwedd y gallwch ei hymgorffori\u2019n syth yn eich dyluniad. Gall hyn fod yn ddefnyddiol pan fyddwch angen rhywbeth penodol na allwch ddod o hyd iddo mewn llyfrgelloedd. <\/p>\n\n\n\n

Mae\u2019r ansawdd yn hollol dderbyniol ar gyfer y cyfryngau cymdeithasol a\u2019r we, ond yn gyffredinol byddem yn eich cynghori i ddefnyddio delweddau go iawn pan fo modd. <\/p>\n\n\n\n

Os dewiswch roi cynnig ar yr adnodd hwn, ceisiwch ddefnyddio manylion penodol yn eich prompt. Bydd \u201cgr\u0175p o bobl amrywiol yn cydweithio o amgylch bwrdd, goleuadau cynnes, arddull llun\u201d yn cynhyrchu rhywbeth gwahanol iawn i\u2019r hyn y byddech yn ei gael pe baech yn nodi \u201cpobl mewn cyfarfod\u201d yn unig. <\/p>\n\n\n\n

Adnoddau fideo AI\u00a0<\/strong><\/strong><\/h2>\n\n\n\n

Yn yr un modd ag wrth gynhyrchu delweddau, mae Canva bellach yn cynnwys \u2018adnodd cynhyrchu fideos AI\u2019, a gaiff ei bweru gan fodel Veo Google. Gallwch gynhyrchu clipiau fideo byr sy\u2019n para hyd at wyth eiliad trwy ddefnyddio prompt testun, gyda sain wedi\u2019i chydamseru\u2019n awtomatig. <\/p>\n\n\n\n

Hefyd, ceir Magic Video a all droi casgliadau o ffotograffau neu glipiau yn fideos byr, a bydd trosiadau a cherddoriaeth yn cael eu cymhwyso\u2019n awtomatig. <\/p>\n\n\n\n

Ond cofiwch mai hyd at bump o glipiau fideo AI y gellir eu cynhyrchu bob mis, hyd yn oed ar gynlluniau y telir amdanynt, ac ar hyn o bryd rhaid i\u2019r promptiau gael eu hysgrifennu yn y Saesneg. Er mwyn creu cynnwys cyflym ar gyfer y cyfryngau cymdeithasol neu ragflas ar gyfer ymgyrchoedd, neu er mwyn gwneud i ddelweddau llonydd symud, mae\u2019r adnoddau hyn yn fan cychwyn da; ond ar gyfer unrhyw beth mwy sylweddol, bydd adnodd fideo pwrpasol yn esgor ar ganlyniadau gwell o lawer. <\/p>\n\n\n\n

Background Remover<\/strong><\/h2>\n\n\n\n

Dyma un o\u2019r nodweddion AI symlaf a mwyaf defnyddiol yn Canva. Lanlwythwch ffotograff a chliciwch unwaith i gael gwared \u00e2\u2019r cefndir. Mae\u2019r hyn a oedd, ers talwm, angen Photoshop neu adnodd ar wah\u00e2n, bellach yn cymryd eiliadau. Mae\u2019n ddefnyddiol ar gyfer creu penluniau gl\u00e2n ar gyfer eich gwefan, ynysu cynhyrchion neu wrthrychau ar gyfer graffigwaith hyrwyddol, neu osod delweddau ar gefndiroedd wedi\u2019u brandio. <\/p>\n\n\n\n

Mae Background Remover yn gweithio ar ffotograffau a fideos, felly mae\u2019n arbennig o ddefnyddiol ar gyfer cynnwys byr ar y cyfryngau cymdeithasol. <\/p>\n\n\n\n

Magic Resize<\/strong><\/h2>\n\n\n\n

Os ydych wedi mynd ati erioed i greu graffigwaith ar gyfer y cyfryngau cymdeithasol, ac os ydych wedi gorfod ei ailadeiladu \u00e2 llaw wedyn mewn maint gwahanol ar gyfer llwyfan arall, bydd Magic Resize yn arbed llawer o amser ichi. Mae\u2019n addasu maint eich cynlluniau\u2019n awtomatig ac yn eu hailfformatio ar gyfer gwahanol lwyfannau, gan droi sgw\u00e2r Instagram yn glawr Facebook, yn bostiad LinkedIn, neu\u2019n daflen wedi\u2019i hargraffu, a chan addasu\u2019r cynllun yn y broses. <\/p>\n\n\n\n

Mae hyn yn arbennig o ddefnyddiol ar gyfer timau cyfathrebu bach sydd angen cyhoeddi cynnwys ar amryfal sianeli heb ddyblu\u2019r llwyth gwaith. <\/p>\n\n\n\n

Rhai pethau i\u2019w cadw mewn cof\u00a0<\/strong><\/strong><\/h2>\n\n\n\n

Yn gyffredinol,\u00a0gwaith eithaf hawdd yw defnyddio\u00a0adnoddau AI\u00a0Canva\u00a0yn\u00a0gyfrifol, ond mae\u2019n werth cadw ambell beth mewn cof:\u00a0<\/p>\n\n\n\n