Croeso Adam

Mae ProMo Cymru yn falch iawn i gael croesawu Adam Gray i’r tîm fel Swyddog Datblygu Digidol ac Eiriolwr Gynghorwr Llinell Gymorth.

Mae gan Adam brofiad helaeth yn gweithio yn y trydydd sector ac i sefydliadau digidol. Cyn ymuno â ProMo roedd yn gweithio i Gyngor ar Bopeth, yn arwain ar brosiect digidol gyda’r bwriad o sicrhau cyngor mwy hygyrch i bobl sydd ag iechyd meddwl gwael, gan gyflwyno sianeli cyngor newydd fel WhatsApp a Messenger.

Cyn hynny, roedd Adam yn gweithio i wefan cymharu prisiau arweiniol yn y DU, yn rheoli tîm o weithredwyr sydd yn canolbwyntio’n bennaf ar adnabod rhwystrau ar daith ar-lein eu cwsmeriaid a gweithio gyda thimau Datblygu Cynnyrch i greu datrysiadau cwsmer yn gyntaf.

Mae Adam wedi’i gymhwyso mewn cymorth cyntaf iechyd meddwl ac mae defnyddio technoleg ddigidol i wneud gwahaniaeth positif i ddefnyddwyr gwasanaeth yn y trydydd sector yn bwysig iddo.

Mae Adam yn gyffrous iawn i ddysgu sut mae gwasanaethau ProMo yn helpu unigolion i gyflawni dyfodol mwy disglair a sut gallem helpu sefydliadau eraill i ddatblygu yn y byd digidol.

Ers ymuno â ProMo, dywedai Adam, “Dwi wir wedi mwynhau fy wythnosau cyntaf. Mae pawb wedi bod yn groesawus ac yn gefnogol iawn, yn gwneud i mi deimlo fel rhan o’r tîm yn syth.”

I ffwrdd o’r gwaith, mae Adam yn hyfforddwr pêl-droed cymwys ac mae’n gefnogwr brwd o dîm pêl-droed Lerpwl. Mae’n caru teithio ac yn bwriadu ymweld â phob talaith yn yr Unol Daleithiau. Mae eisoes wedi ymweld â 20% o’r 50.

Croeso i’r tîm Adam!