Cefnogi hyder creadigol staff Iechyd Cyhoeddus Cymru gyda hyfforddiant Canva.

Yr Her

Roedd Iechyd Cyhoeddus Cymru eisiau cryfhau ei gyfathrebu digidol wrth helpu staff i deimlo’n fwy hyderus wrth greu cynnwys. Gyda llwythi gwaith prysur a llwyfannau digidol sy’n esblygu’n barhaus, gall creu cynnwys deniadol deimlo’n ormod weithiau. Roedd rhai cyfranogwyr yn defnyddio adnoddau fel Canva yn rheolaidd, tra bod eraill yn llai cyfarwydd ac yn awyddus i ddysgu’r pethau sylfaenol.

Ein Dull

Yn ProMo, credwn fod hyfforddiant sgiliau digidol yn gweithio orau pan mae’n ymarferol ac yn meithrin hyder o’r gwaelod i fyny. Nid ydym yn dysgu pobl sut i ddefnyddio adnoddau yn unig – rydym yn eu helpu i ddarganfod beth sy’n bosibl.

Arweiniodd Daniele Mele, Dylunydd a Chynhyrchydd Cyfryngau ProMo, sesiwn hyfforddi Canva dwy awr a gynlluniwyd o amgylch dysgu drwy wneud. Bu cyfranogwyr o Iechyd Cyhoeddus Cymru yn creu postiadau cyfryngau cymdeithasol eu hunain o’r newydd, gan archwilio rhyngwyneb hawdd ei ddefnyddio Canva a dysgu hanfodion dylunio graffig ar hyd y ffordd. Roedd y sesiwn yn cwmpasu popeth o greu cytgord gweledol i gynhyrchu animeiddiadau syml a chreu dyluniadau ar gyfer gwahanol lwyfannau.

I’r rhai sydd ddim yn teimlo’n greadigol yn naturiol, cawsant wers ar sut i olygu ac addasu miloedd o dempledi parod Canva. Nid perffeithrwydd oedd y nod – ond hyder.

Rhannodd Daniele: “Fy null yw rhoi’r hyder a’r adnoddau i bobl fedru cychwyn ar eu taith creu cynnwys, sbarduno chwilfrydedd a’u hannog i barhau i archwilio ar eu pen eu hunain. Pan fydd rhywun yn gweld potensial a symlrwydd Canva, yn gyflym iawn maent yn dod o hyd i ffyrdd i’w ddefnyddio ar draws cymaint o wahanol feysydd o’u gwaith.”

Pam Bod Hyn yn Bwysig

Nid dewis yw cyfathrebu digidol cryf bellach. Wrth fuddsoddi mewn hyfforddiant fel hyn, mae Iechyd Cyhoeddus Cymru yn cyfarparu ei staff gyda’r adnoddau a’r hyder i gysylltu a diddori cynulleidfaoedd, rhannu negeseuon iechyd hanfodol a chryfhau eu presenoldeb digidol.

Rydym yn credu mewn grymuso sefydliadau ledled Cymru i gymryd rheolaeth o’u cyfathrebu digidol. Boed trwy strategaeth cyfryngau cymdeithasol, sgiliau dylunio gyda Canva neu weithdai wedi’u teilwra ar gyfer eich tîm, gallwn eich helpu i feithrin yr hyder a’r gallu i gysylltu â’ch cymunedau mewn ffyrdd ystyrlon.

Cyflwynwch Hyfforddiant ProMo i’ch Sefydliad

Diddordeb mewn uwchsgilio eich tîm? Rydym yn darparu hyfforddiant pwrpasol ledled Cymru, wedi’i gynllunio yn ôl anghenion eich sefydliad. Cysylltwch â daniele@promo.cymru heddiw i ddarganfod sut y gallwn gefnogi taith ddigidol eich sefydliad.