Croeso Marley
Mae ProMo Cymru yn falch iawn o groesawu Marley Mussington i’r tîm fel ein Intern Busnes.
Mae Marley wedi graddio mewn Rheoli Digwyddiadau ar ôl cyfnod o astudio ym Manceinion tan 2024. Yn ystod ei chyfnod ym Manceinion, llwyddodd Marley i gynllunio a chyflawni amrywiaeth o ddigwyddiadau, gan ddangos sgiliau trefnu a chreadigrwydd cryf. Enillodd brofiad gwerthfawr yn gweithio mewn nifer o ddigwyddiadau ar draws y ddinas, o uwchgynadleddau rhyngwladol a chynadleddau busnes i briodasau a gwyliau cerddoriaeth, gan fireinio ei gallu i ffynnu mewn amgylcheddau dynamig o dan bwysau uchel.
Yn ogystal â’i phrofiad digwyddiadau, mae Marley wedi canolbwyntio’n drwm ar waith hyrwyddo, gan ddylunio deunyddiau marchnata a chreu cynnwys cyfryngau cymdeithasol diddorol i hybu presenoldeb ac ymwybyddiaeth. Mae hefyd wedi creu digwyddiad ei hun i godi arian ar gyfer yr elusen Venture Arts, gan arddangos ei menter a’i hangerdd dros gefnogi’r gymuned.

Yn ProMo Cymru, mae Marley yn gweithio ar draws ein hadran Cyllid ac Adnoddau Dynol, yn parhau i ddatblygu ei galluoedd dadansoddol a’i dealltwriaeth o weithrediadau busnes.
“Rwy’n angerddol am adnoddau dynol a chyllid am fy mod yn credu bod y meysydd yma’n hanfodol i greu timau effeithlon ac effeithiol, sy’n bwysig iawn wrth reoli digwyddiadau,” meddai Marley.
“Mae deall ochr ariannol prosiectau a’r agwedd adnoddau dynol o reoli talent yn helpu i greu digwyddiadau mwy llyfn ac effeithiol. Rwy’n gyffrous am y cyfle i ddysgu a thyfu yn ProMo, ac edrychaf ymlaen at gyfrannu mwy wrth i mi barhau i ymgartrefu yn fy rôl.”
Croeso i’r tîm, Marley!
Tania Russell-Owen
20 Mawrth 2025
Newyddion
Erthyglau Perthnasol
Newyddion
Arielle a Cindy yn Camu i’r Adwy fel ein Prif Weithredwyr ar y Cyd
Mae ProMo Cymru yn falch cyhoeddi bod Arielle Tye a Cindy Chen wedi derbyn y rôl o Brif Weithredwyr ar y Cyd. Wynebau cyfarwydd Mae Cindy wedi bod yn rhan o dîm ProMo ers 2008, gyda Arielle yn ymuno yn 2010. Mae’r ddwy wedi tyfu gyda’r sefydliad mewn rolau sydd wedi esblygu dros y blynyddoedd […]
Newyddion
Pennod Newydd i ProMo wrth i Marco Adlewyrchu ar 27 o Flynyddoedd
Yn dilyn bron i dair degawd o arwain ProMo Cymru, mae’r Prif Weithredwr Marco Gil-Cervantes yn camu i lawr i swydd strategol newydd fel Cyfarwyddwr Datblygu. Ble gychwynnodd popeth Cychwynnodd taith Marco gyda ProMo 27 mlynedd yn ôl, pan ymunodd â Chymdeithas Datblygu Gydweithredol De Cymru fel gweithiwr prosiect. Ei dasg oedd cefnogi pobl ifanc […]
Llinell Gymorth
Ymchwil Annibynnol yn Amlygu Rôl Meic yn Cefnogi Pobl Ifanc mewn Argyfwng
Mae ymchwil genedlaethol yn archwilio sut mae Meic yn darparu rhwyd ddiogelwch hanfodol i blant a phobl ifanc ledled Cymru yn ystod eu cyfnodau anoddaf. Golwg Genedlaethol ar Gymorth mewn Argyfwng Cynhaliodd y Sefydliad Cenedlaethol ar gyfer Ymchwil Iechyd a Gofal (NIHR) brosiect CAMH-Crisis2 rhwng 2023 a 2025. Roedd yr astudiaeth yn mapio gwasanaethau argyfwng […]