Datblygu brand newydd gyda’n tîm creadigol mewnol

Gyda’r broses yn cael ei arwain gan ein tîm creadigol mewnol – rydym wedi trin esblygiad ein hunain gyda’r un lefel uchel o arbenigedd sydd yn cael ei roi i phob prosiect partner.

Cychwyn gyda sgwrs

Cychwynodd adnewyddiad y brand ProMo gyda gweithdai i’r holl staff i adolygu’r brand presennol ac archwilio beth oedd yn llwyddiannus ar hyn y gellid ei wella. Yn y sesiynnau yma, trafodwyd cenhadaeth, gweledigaeth, llais, negeseuon, personoliaeth, gwerthoedd, pwyntiau gwerthu unigryw, a strategaeth gyffredinol ProMo, gan mai’r elfennau yma sydd wedi llywio’r datblygiad hunaniaeth weledol yn uniongyrchol, gan gynnwys lliwiau, logo, a theipograffeg.

Mae tîm staff ProMo yn cynrychioli ystod eang o oedrannau, gan gynnwys pobl ifanc, felly cynlluniwyd y broses i sicrhau ein bod yn gwrando ar safbwyntiau y rhanddeiliaid gwahanol yma. Helpodd hyn i sicrhau y byddai’r brand yn apelio at gynulleidfaoedd proffesiynol a phobl ifanc, gan adlewyrchu rôl ProMo wrth siarad ag amrywiaeth o bobl tra’n parhau i fod yn gredadwy, yn hygyrch, ac yn ddeniadol.

Esblygu, nid ailgychwyn

Yn dilyn trafodaeth gyda staff, gwnaethom benderfyniad fydda’n siapio popeth arall: adnewyddiad fyddai hwn, nid ail-frandio. I ddeall pam, edrychwyd yn ôl ar ein gwreiddiau.

Ganwyd ProMo’n wreiddiol o gymuned gydweithredol o greadigwyr ifanc – DJs, dylunwyr, cerddorion. Gelwir yn wreiddiol yn ‘South Wales Co-operative Association’, a dewisodd y bobl ifanc a oedd yn rhan o brosiect newydd ‘ProMo’ fel ei enw, yn cynrychioli ‘Proffesiynoldeb’ a ‘Symudiad’ (Movement). Yr egni yma arweiniodd i’r sefydliad cyfan gael ei hailenwi yn ProMo Cymru. Roedd ein logo gwreiddiol a ddyluniwyd gan berson ifanc, yn cynnwys seren i gynrychioli dyheadau, gobaith a dilyn eich breuddwydion.

Wrth ddewis adnewyddu yn hytrach nag ail-frandio, roedden ni’n gallu: 

• Cynnal elfennau adnabyddadwy brand ProMo – yn benodol y seren
• Moderneiddio asedau gweledol a chyfathrebu
• Diweddaru manylion dylunio fel tonau lliw, cyflwyniad logo, a theipograffeg wrth gadw adnabyddiaeth brand

Dylunio gyda’n gilydd

Unwaith i’r cysyniadau cychwynnol gael eu datblygu, defnyddiwyd Mural (bwrdd gwyn ar-lein) i rannu’r rhain gyda’r tîm cyfan. Gall staff bori drwy’r dyluniadau, gadael sylwadau a chyfrannu syniadau eu hunain yn amser eu hunain, a olygai nad oedd popeth yn ddibynnol ar un cyfarfod mawr, gan sicrhau bod lleisiau distawach yn cael eu clywed hefyd.

O’r adborth yma, penderfynwyd ar logo geiriau – glan, syml, a rhywbeth sydd yn gweithio boed ar wefan, dogfen neu fag tote.

Mireinio’r manylion

Dilynwyd gydag ail rownd o gysyniadau, wedi’u llunio o adborth y staff. Rhoddwyd dau ddyluniad terfynol ar y rhestr fer a chynnwys staff i ddewis y deipograffeg fwyaf hygyrch a datblygu slogan i’r brand.

Yna aethom ati i greu drafft o sut y byddai’r opsiynau yma yn edrych mewn bywyd go iawn, ac adborth y staff oedd bod hyn wedi helpu i wneud y penderfyniadau terfynol yna yn llawer haws.

Brand y mae pawb yn berchen arno

Brand yw’r ffordd rydych chi’n cyflwyno eich hun i’r byd, ac roedd yn deimlad naturiol y dylai pawb sydd yn gweithio yn ProMo fod yn rhan o’i lunio. Yn ystod y broses, cafodd pob aelod staff gyfle i roi adborth, cynnig newidiadau a phleidleisio ar y cyfeiriad terfynol.

Mae’r dull cydweithredol yma wedi sicrhau bod y brand wedi’i adnewyddu yn adlewyrchu ein gwerthoedd, ein pobl, a’n uchelgeisiau ar gyfer y dyfodol wrth gynnal cysondeb gyda’r hunaniaeth sydd eisoes wedi’i sefydlu a diwallu anghenion cynulleidfaoedd proffesiynol a phobl ifanc.

Dewch i weithio gyda ni

Diddordeb yn y ffordd rydym yn ymdrin â brandio a chyfathrebu? Rydym yn cynnig gwasanaethau ymgynghori a dylunio i sefydliadau’r trydydd sector a’r sector cyhoeddus. Os hoffech fanylion pellach am weithio gyda ni yna cysylltwch â auguste@promo.cymru.