Adolygiad o Wefan Elusen: #1: Quaker Social Action
Awdur: Steve Hawkes;
Amser Darllen: 9 munud
Mae hwn yn adnodd agored. Mae croeso i chi ei gopïo a'i addasu. Darllenwch y telerau.
Os hoffech gymorth pellach gyda'ch her ddigidol, trefnwch sesiwn am ddim gyda DigiCymru
Roedd hwn yn gyfres o erthyglau gan Catalyst Resources yn gofyn i elusennau gyflwyno gwefannau i’w beirniadu. Roeddent yn adolygu’r dyluniad, yn rhoi adborth ac yn rhannu’r adborth yma fel y gall eraill ddysgu ohono.
Rydym yn gwneud hyn am ei bod yn aml yn well dangos yn hytrach na dweud beth yw dyluniad da. Rydym eisoes wedi ysgrifennu digon am ddylunio da.
Safle 1: Quaker Social Action
Diolch yn fawr iawn i Catriona Forrest a Giles Robinson am gyflwyno quakersocialaction.org.uk ar gyfer yr adolygiad yma.
Mae safle Quaker Social Action (QSA) yn targedu pobl ar incwm isel sydd angen cymorth (eu prif gynulleidfa). Mae am eu helpu i ddod o hyd i wasanaethau QSA a’u defnyddio.
Mae hefyd yn anelu at helpu gweithwyr proffesiynol a rhannu dysgu gyda nhw.
Mae Giles a Catriona yn cynnal y safle ar gyllideb cynnal a chadw a datblygu o £3-5k ar gyfer y flwyddyn hon (2022).
Yr hyn a wnaethom
Ar Hydref 1af 2022, treuliodd Steve Hawkes, Cyd-sylfaenydd yr asiantaeth gydweithredol The Developer Society, awr yn adolygu dyluniad, siwrne defnyddwyr, cynnwys, hygyrchedd a pherfformiad y safle. Mae’r holl ffactorau hyn yn cael effaith ar brofiad y defnyddiwr.
Gwnaeth hyn drwy edrych ar y llywio, yr hafan a thudalennau gwasanaeth.
Mae’r erthygl hon yn rhannu 16 o brif bwyntiau adborth Steve. Ond mae hefyd wedi creu 2 fideo:
- crynodeb 15 munud (wedi’i fewnosod isod)
- adolygiad llawn 67 munud (wedi’i gysylltu mewn mannau penodol)
Diolch Steve, am wneud ein hadolygiad cyntaf mor dda!
Nodwch y gall unrhyw ddolenni i wefan QSA, dros amser, eich arwain at dudalennau sydd wedi’u newid ers yr adolygiad yma. Efallai na fydd yr hyn a welwch yno yn cyfateb i’r hyn a welwch yma.
Yr adolygiad
Canfu Steve lawer i’w hoffi am y wefan. Ond gan mai adolygiad yw hwn, rydym yn edrych ar broblemau dylunio a defnyddioldeb sy’n debygol o effeithio’n negyddol ar brofiad y defnyddiwr yn unig.
1. Bar llywio uchaf
1. Bar llywio uchaf
Mae’r adolygiad fideo ar y rhan yma yn dechrau am 5.10 munud. Yn cynnwys gwiriad o gydymffurfiaeth cwcis ac yn croesi i adolygiad tudalen gartref.
1. Mae’r bar yn eithaf clir ac mae llawer o ymdrech wedi’i roi iddo. Mae yna 7 opsiwn, sef uchafswm y mwyafrif o bobl cyn i ‘barlys dewis’ ddechrau.
2. Gallai’r eitemau dewislen chwilio a ‘byrgyr’ (tair llinell lorweddol) fod yn anodd i rai defnyddwyr eu deall. Byddai labeli testun, yn enwedig ar gyfer y byrgyr, o gymorth.
3. Dim ond ‘newyddion’ a ‘hyfforddiant’ y mae clicio ar ddewislen y byrgyr yn eu datgelu fel opsiynau llywio cynradd newydd. Gallai QSA archwilio ffordd well o gyfeirio defnyddwyr sy’n chwilio am newyddion a hyfforddiant.
4. Mae’n debygol y bydd y nifer fawr o eitemau eilaidd ar ddewislen y byrgyr yn creu parlys dewis (gweler y fideo). Tynnwch yr eitemau hyn ac yn lle hynny arweiniwch y defnyddiwr at dudalennau glanio i wneud eu penderfyniad nesaf.
Gwnewch y cam nesaf yn glir iawn ym mhob man ar y wefan.
Cyngor ychwanegol
- Gwiriwch a all darllenwyr sgrin ddarllen y dolenni chwilio ac eitemau dewislen byrgyrs. Nid yw’n edrych fel eu bod yn gallu.
- Ceisiwch lywio’r wefan gan ddefnyddio darllenydd sgrin eich porwr yn unig. Mae hwn yn brawf gwych.
2. Tudalen gartref – llywio + symlrwydd dylunio
Mae adolygiad fideo yn dechrau am 5.10 munud gan ei fod yn cynnwys yr adolygiad o’r bar llywio.
Er bod y bar llywio yn bwysig, mae cynnwys y dudalen gartref angen yr un faint o sylw hefyd.
5. Mae gorgyffwrdd teitlau adrannau â delweddau yn creu cymhlethdod gweledol diddorol, ond mae’n ei gwneud yn aneglur ac ychydig yn ddryslyd.
6. Ni ellir clicio ‘How we can help’ er y gellir clicio ‘Training and Events’ a ‘Insights and Reports’. Mae hyn yn anghyson ac yn ddryslyd.
7. Mae’r ‘cyflyrau hofran’ (sut mae’r cyrchwr (cursor) yn newid pan fyddwch chi’n hofran dros wahanol elfennau) ar y golofn ochr dde yn ddryslyd. Nid yw’n glir beth fydd yn digwydd pan gliciwch ar ddelwedd, yn enwedig lle mae delwedd yn gorgyffwrdd â thestun ‘Training and Events’. Gwnewch ddolenni’n gliriach neu eu dileu ar ddelweddau fel nad yw’r cyrchwr yn newid.
8. Mae’r ardal ‘How we can help’ yn defnyddio iaith hawdd ei defnyddio yn ei theitlau ond mae’n anodd ei sganio. Mae hyn oherwydd bod y testun yn ailadroddus ac yn llethol. Dileu’r testun esboniadol a chadwch y teitlau. Aliniwch y saethau’n well gyda’r teitlau (Enghraifft ar y fideo ar 47m).
9. Nid yw’r ciwiau gweledol yn yr adran ‘Insights and Reports’ yn glir. Mae’r dyddiad wedi’i danlinellu fel pe bai’n ddolen ond nid yw’n glicadwy. Nid yw ‘Financial capability’ yn glicadwy ond gallai fod yn ddolen i ardal o gynnwys wedi’i dagio. Gwnewch ardaloedd y gellir clicio ar y ddolen a’r ciwiau gweledol yn fwy cyson.
Cyngor ychwanegol
- Wrth lwytho tudalen mae naidlen ‘click here for help’ yn ymddangos. Gwiriwch a yw hyn yn hygyrch.
- Gwiriwch gyferbyniadau lliw’r dudalen gyda chefndiroedd symudol. Yn ddelfrydol, profwch symudiad gyda phobl go iawn sydd ag anghenion hygyrchedd.
- Ystyriwch gyfnewid y faner Action Against Poverty i’r dde i greu hierarchaeth weledol wahanol o wybodaeth. Oherwydd bod pobl yn tueddu i sganio mewn siâp ‘F’ ac mae’r faner hon yn llai pwysig iddynt na’r cynnwys arall ar y dudalen.
- Gwnewch fwy o wiriadau cyferbyniad lliw a maint ffont. Gall hyn helpu gyda hygyrchedd gweledol. Defnyddiodd Steve wiriwr cyferbyniad Webaim i wneud hyn.
3. Tudalennau gwasanaeth
Mae’r tudalennau hyn ar gyfer pobl sy’n chwilio am gymorth neu gefnogaeth. Mae angen dangos yn glir i’r defnyddwyr beth i’w ddewis nesaf, yn enwedig gan eu bod yn debygol o brofi lefelau straen a llwyth gwybyddol uwch wrth ymweld â’r wefan.
Tudalen lanio ‘How we can help’
Mae’r adolygiad fideo yn dechrau ar 36 munud.
10. Mae pennawd y dudalen yn cuddio cynnwys pwysicaf y dudalen. Ystyriwch benawdau llai i roi mwy o le i gynnwys ar y sgrin gyntaf.
11. Nid yw’r dudalen hon yn hawdd iawn i’w sganio ar sgrin gyfrifiadur. Mae’n dangos 4 opsiwn fesul sgrin pan mae gan y dudalen 10 opsiwn i gyd. Dewch o hyd i ffordd i ddangos yr holl opsiynau ar un sgrin. Mae Gov.uk yn dda’n gwneud hyn ac yn defnyddio penawdau bach.
12. Mae’r iaith i gyd yn fewnol, ac yn llai cyfeillgar i ddefnyddwyr na’r hyn a ddefnyddir ar yr adran hafan gyfatebol. Mae hyn hefyd yn ei gwneud hi’n anoddach ei sganio. Defnyddiwch iaith y gall defnyddwyr ei deall yn gyflym, ac ailystyried amlygrwydd enwau gwasanaethau mewnol.
Tudalen lanio gwasanaeth ‘Move on Up’
Mae beirniadaeth fideo yn dechrau am 38.30 munud.
13. Mae taith y defnyddiwr rhwng is-dudalennau yn ddryslyd, yn enwedig i bobl sydd eisiau cofrestru eu diddordeb. Mae’n mynd â nhw ar ddolen ailadroddus sy’n annefnyddiol i bobl sydd dan straen ac yn sganio. Datblygwch daith y defnyddiwr a gwnewch yn siŵr mai’r alwad gliriaf i weithredu ar bob tudalen yw’r cam cywir nesaf y dylai’r defnyddiwr ei gymryd.
14. Nid oes cynnig gwasanaeth ar-lein i ddefnyddwyr ac mae manylion cyswllt y gwasanaeth yn anodd eu canfod. Helpwch y defnyddiwr i wybod sut i gael mynediad gwell at y gwasanaeth neu dangoswch iddynt sut i gael cymorth arall.
15. Mae ‘Find out more’ yn destun dolen ddiddefnydd. Nid yw’n helpu’r defnyddiwr i wybod a yw’n opsiwn cywir iddyn nhw. Gwaharddwch ef o’r wefan a chreu testun gwell, mwy ystyrlon.
16. Nid yw’r is-dudalen ’Why we run Move on Up’ yn berthnasol iawn i ddefnyddwyr. Gwnewch hi’n berthnasol neu symudwch wybodaeth fel hyn ac adroddiadau gwerthuso i ardal wahanol ar gyfer y gynulleidfa berthnasol. Bydd hyn yn helpu defnyddwyr sydd eisiau gwybod sut i gael mynediad at wasanaeth yn unig ac sydd ddim eisiau pethau sydd ddim yn berthnasol iddynt yn tynnu sylw.
Gwnewch bob tudalen yn anhygoel i’w chynulleidfa. Gwnewch lai, yn well.
Cyngor ar gyfer tudalennau gwasanaeth eraill
- Gwiriwch am fotymau pengaead ym mhob tudalen ‘How we can help’. Mae’r fideo yn dangos rhai o’r rhain.
- Ailosod holl destun dolen ‘Find out more’ gyda thestun mwy defnyddiol.
- Dileu pob dolen i wybodaeth ar gyfer gweithwyr proffesiynol neu gefnogwyr (e.e. ‘why we run move on up‘ neu ‘what difference does down to earth make?‘
- Ceisiwch leihau nifer y tudalennau ar gyfer pob gwasanaeth. Gwnewch y wybodaeth bwysicaf yn fwy amlwg e.e. 48.50 ar gyfer ‘Turn a Corner’. Mae hyn yn creu siwrne gliriach a symlach i ddefnyddwyr. Mae hefyd yn lleihau’r gorbenion sefydliadol o reoli gormod o gynnwys.
5. Perfformiad y wefan
Mae’r adolygiad fideo yn dechrau am 21.30 munud. Defnyddiodd Steve Google Lighthouse i fesur perfformiad y wefan.
Mae perfformiad y safle yn bwysig gan fod amseroedd llwytho tudalennau yn effeithio ar lefelau straen defnyddwyr ac ymddiriedaeth pobl yn eich safle.
Cyngor
- Mae ffont y safle yn arafu’r safle oherwydd ei fod yn tynnu’r ffont o ffontiau Adobe. Gellid ei hunan-gynnal i wella’r cyflymder neu gellid ei newid â ffontiau webkit mwy safonol.
- Gwiriwch fod y thema’n gyfredol.
Nodyn ar gwcis y safle
Mae Steve yn archwilio beth sy’n digwydd gyda chwcis am 9.05 munud yn y fideo.
Yr hyn na wnaethom ei gynnwys
- Adolygiad o gynnwys cefnogwyr/rhoddwyr. Mae hyn yn y fideo am 50.45 munud.
- Adolygiad o gynnwys ‘Sharing our learning’ ar gyfer gweithwyr proffesiynol. Mae hyn am 57.15 munud.
Fideo crynodeb adolygiad
Gwyliwch y crynodeb 16 munud isod.
Neu gwyliwch y feirniadaeth amrwd lawn 67 munud.
Manylion gwefan QSA
Dyma beth ddywedodd Catriona wrthym am wefan Quaker Social Action.
URL: quakersocialaction.org.uk
1. Cynulleidfa darged y wefan
- Pobl ar incwm isel sydd angen cymorth – gallent fod yn profi digartrefedd, tlodi angladd, anawsterau iechyd meddwl, bod yn ofalwr ifanc a mwy. Mae rhai gwasanaethau ar gael yn Llundain yn unig, eraill ledled y DU.
- Gweithwyr proffesiynol sy’n gweithio yn y trydydd sector, yn enwedig geidwyr a chynghorwyr ariannol
- Rhoddwyr neu ddarpar roddwyr – yn aml Crynwyr
2. Nodau’r wefan
- Helpu pobl i ddod o hyd i’n gwasanaethau a’u defnyddio, adnoddau rheng flaen ac ar-lein
- Rhannu dysgu gyda gweithwyr proffesiynol a chodi ymwybyddiaeth o faterion
- Codi arian
- Gwybodaeth gyffredinol ac ymwybyddiaeth o’r elusen a’i gweithgareddau
3. Unrhyw broblemau/pryderon am eich gwefan rydych chi’n ymwybodol ohonynt?
- Llywio – oherwydd bod ein prosiectau’n eithaf gwahanol ac yn mynd i’r afael ag anghenion a phobl wahanol, mae’n anodd osgoi rhestrau hir o wasanaethau a gall fod yn anodd dod o hyd i’r hyn sydd ei angen arnoch yn hawdd.
- Gellid symleiddio’r dyluniad a glynu’n agosach at batrwm darllen siâp F, yn enwedig ar dudalennau glanio ar gyfer adrannau a dewislen.
- Rwy’n dychmygu y gallai fod gwelliannau hygyrchedd er ein bod wedi cychwyn gwella hyn.
4. Ailddyluniad diwethaf
- 2017
5. Cyfrifoldeb y safle
- Cyfrifoldeb ar y cyd – fi fy hun Catriona Forrest, Swyddog Cyfathrebu Digidol, Giles Robinson, Rheolwr Cyfathrebu a Marchnata, a Peter Christmas, Pennaeth Codi Arian a Chyfathrebu.
6. Cyllideb flynyddol
- Eleni mae ganddyn nhw gyllideb datblygu gwefan o £3-5k.
Wedi'i gomisiynu gan Catalyst
