Gwireddu Newid – Ymunwch â Bwrdd ProMo

Ydych chi’n angerddol am waith ieuenctid a chymunedol? Yn awyddus i ddefnyddio’ch sgiliau i wireddu newid go iawn ym mywydau pobl ifanc a chymunedau ledled Cymru? Yna ymunwch â’n Bwrdd.

Mae dod yn Ymddiriedolwr gyda ProMo Cymru yn gyfle gwych i ddatblygu eich sgiliau arweinyddiaeth, ennill profiad yn y sector elusennol a dielw, a chyfrannu i wasanaethau a phrosiectau arloesol sydd yn cefnogi cymunedau.

Mae ProMo Cymru wedi bod yn flaengar yn datblygu gwasanaethau sydd yn grymuso ac yn hysbysu pobl ifanc, cymunedau a sefydliadau dros y 40 mlynedd diwethaf, gan gynnwys:

• Meic – llinell gymorth genedlaethol i blant a phobl ifanc Cymru
• TheSprout – llwyfan gwybodaeth ieuenctid i Gaerdydd a thu hwnt
• Prosiectau Digidol – yn cynnig cymorth a hyfforddiant digidol am ddim i sefydliadau trydydd sector
• TheAbacus – gofod celf a digwyddiadau yn cael ei arwain gan y gymuned gan gydweithio ag artistiaid lleol
• EVI – canolfan cymunedol a diwylliannol yn gwasanaethu cymuned Glyn Ebwy a’r ardaloedd cyfagos

Pam ymuno â’n Bwrdd Ymddiriedolwyr?

Mae ProMo Cymru wedi ymrwymo i greu bwrdd amrywiol a chynhwysol ac yn croesawu ceisiadau gan ferched ac unigolion o gefndiroedd lleiafrifoedd ethnig yn arbennig.

“Rydym yn deall bod bwrdd amrywiol yn cyflwyno profiadau a safbwyntiau gwahanol, gan arwain at benderfyniadau strategol gwell, a chysylltiad cryfach gyda’r cymunedau rydym yn ei wasanaethu,” meddai Marco Gil-Cervantes, Prif Weithredwr ProMo Cymru.

“Rydym yn chwilio am bobl sydd â phrofiad yn y maes ieuenctid, marchnata neu adnoddau dynol yn arbennig, ond rydym hefyd yn gwerthfawrogi profiad bywyd a rhai dan 25 oed sydd eisiau profiad arweinyddiaeth,” ychwanegodd Marco.

Beth mae hyn yn ei olygu?

• Rôl wirfoddol gyda chostau teithio
• Cyfarfod bob 8 wythnos (5:30yh – 7:30yh) – ar-lein a Bae Caerdydd
• Darparir anwythiad a hyfforddiant
• Byddwch yn rhan o dîm creadigol a chefnogol sydd yn gwneud gwir wahaniaeth

Diddordeb gwneud cais?

Byddem wrth ein boddau yn clywed gennych chi! Cysylltwch â sue@promo.cymru i fynegi diddordeb neu cysylltwch â Marco Gil-Cervantes am sgwrs anffurfiol: marco@promo.cymru neu ffoniwch 079 7066 2341.

Dewch i ni weithio gyda’n gilydd i wireddu newid!