Croeso, Bethan!

Mae ProMo Cymru yn falch o groesawu Bethan Gallivan i’r tîm fel ein Swyddog Cynnwys a Chyfathrebu Cymraeg newydd!

Mae gan Bethan radd mewn Newyddiaduraeth, y Cyfryngau a Llenyddiaeth Saesneg, ac yn dod â thair blynedd o brofiad o’i swydd flaenorol mewn elusen sy’n ffocysu ar ddigartrefedd ymhlith pobl ifanc. Yn y rôl hon, bu’n gweithio’n agos gyda phobl ifanc â phrofiad o ddigartrefedd, gan ddarparu hyfforddiant ar ddulliau ymchwil, cyd-gynhyrchu cynnwys ar gyfer cyfryngau cymdeithasol, a hwyluso cyfarfodydd y Bwrdd Ieuenctid. Hefyd, creodd, cynhyrchodd a chyflwynodd Bethan bodlediad lle bu’n cyfweld â gweithwyr proffesiynol a phobl ifanc am amrywiaeth o faterion yn ymwneud â digartrefedd ymhlith pobl ifanc.

Yn ProMo Cymru, bydd Bethan yn creu cynnwys dwyieithog o ansawdd uchel, yn cyfrannu at y strategaeth gyfathrebu, ac yn cefnogi nifer o brosiectau. Mae ganddynt angerdd am roi llwyfan i leisiau pobl ifanc ac am ddefnyddio cyfryngau digidol i greu effaith gymdeithasol gadarnhaol.

Wrth adlewyrchu ar ei dyddiau cyntaf yn ProMo, dywed Bethan:

“Rydw i wedi mwynhau eistedd mewn cyfarfodydd a dysgu mwy am amrywiaeth eang o brosiectau ProMo. Mae gen i ddiddordeb arbennig mewn prosiectau sy’n targedu pobl ifanc, fel Meic a TheSprout, ac rydw i’n edrych ymlaen yn eiddgar at greu cynnwys dwyieithog o ansawdd uchel a fydd yn siarad â phobl ifanc ledled Cymru.”

Tu allan i’r gwaith, mae Bethan yn frwd dros ffilmiau ac yn mynd i’r sinema’n rheolaidd, yn ogystal â mwynhau darllen, crefftio a mynd i gyngherddau. Yn ddiweddar, maen nhw hefyd wedi darganfod cariad o wylio adar – gan dreulio ei horiau cinio yn aml yn y parc yn gwrando arnynt!

Rydym wrth ein bodd bod Bethan wedi ymuno â ni ac rydym yn edrych ymlaen at yr effaith y bydden nhw’n ei chael. Croeso i’r tîm, Bethan!