Canllaw Fideo – Creu Dyluniadau Canva i’r Trydydd Sector

Awdur: Daniele Mele; Amser Darllen: 2 munud
Mae hwn yn adnodd agored. Mae croeso i chi ei gopïo a'i addasu. Darllenwch y telerau.
Os hoffech gymorth pellach gyda'ch her ddigidol, trefnwch sesiwn am ddim gyda DigiCymru

Ydych chi eisiau creu dyluniadau proffesiynol, trawiadol ar gyfer eich sefydliad trydydd sector yng Nghymru heb orfod gwario gormod? Mae ein gweminar hyfforddi Canva yma i’ch helpu chi i ddysgu am y platfform dylunio hawdd ei ddefnyddio yma.

Beth Fyddwch chi’n ei Ddysgu

Cynlluniwyd y sesiwn hyfforddiant yma (isod), a gyflwynwyd yn wreiddiol ym mis Hydref 2023 gan Daniele Mele, Dylunydd a Chynhyrchydd Cyfryngau yn ProMo Cymru, yn benodol ar gyfer sefydliadau trydydd sector ledled Cymru. P’un a ydych chi’n ddechreuwr llwyr neu’n awyddus i wella’ch sgiliau dylunio presennol, bydd y gweminar yn eich arwain trwy greu cynnwys gweledol eich hun ar Canva i hyrwyddo’ch gwasanaethau.

Yn yr hyfforddiant yma, byddwch yn darganfod sut i:

Llywio Canva ac archwilio’r posibiliadau
Cael cyfrif Canva Premium am ddim fel cwmni dielw
Dechrau dyluniad yn Canva
Creu dyluniad o dempled sy’n bodoli eisoes
Creu cynnwys deniadol
Defnyddio pecynnau brand
Defnyddio nodweddion ychwanegol i arbed amser ac adnoddau

Pam Bod yr Hyfforddiant Yma’n Bwysig

I sefydliadau trydydd sector sy’n gweithredu gyda chyllidebau ac adnoddau cyfyngedig, mae Canva yn cynnig ateb hygyrch i heriau dylunio proffesiynol. Mae’r hyfforddiant yma’n grymuso’ch tîm i greu cynnwys gweledol o ansawdd uchel yn fewnol, gan eich helpu i gyfathrebu’ch cenhadaeth yn fwy effeithiol a chyrraedd cynulleidfaoedd ehangach.

Gwyliwch y gweminar hyfforddi llawn isod a chychwyn trawsnewid eich cyfathrebiadau gweledol heddiw. Bydd y sgiliau y byddwch chi’n eu dysgu yn eich helpu i greu cynnwys mwy deniadol, gwella’ch presenoldeb ar-lein, a chysylltu’n well â’r cymunedau rydych chi’n eu gwasanaethu.

Dysgu pellach

Mae’r hyfforddiant Canva yma yn rhan o’n prosiect Cefnogaeth Ddigidol Trydydd Sector ehangach, a ariennir gan Gronfa Gymunedol y Loteri Genedlaethol. Mae fideos eraill y gyfres yn cynnwys:

Barod i fynd â’ch sgiliau digidol i’r lefel nesaf? Mae ein gwasanaeth DigiCymru yn cynnig sesiynau un-i-un personol, rhad ac am ddim gydag arbenigwyr digidol, sydd ar gael i sefydliadau trydydd sector ledled Cymru yn unig. P’un a yw’n meistroli Canva neu’n mynd i’r afael ag unrhyw her ddigidol arall, rydym yma i’ch helpu i lwyddo.

Wedi'i gomisiynu gan Catalyst