[Wedi Cau] Cyfle Swydd: Swyddog Cyfathrebu a Chynnwys Cymraeg

Swydd perffaith ar gyfer person creadigol sy’n rhugl yn y Gymraeg

---

Yn galw holl grewyr cynnwys – ymuna â’n tîm creadigol!

Wyt ti’n ysgrifennwr creadigol gyda sgiliau iaith Gymraeg rhagorol sy’n chwilio am y cam nesaf yn dy yrfa mewn amgylchedd deinamig? Mae cyfle cyffrous, parhaol, ar gael yn ProMo Cymru ar gyfer Swyddog Cyfathrebu a Chynnwys Cymraeg, yn creu cynnwys ac ymgyrchoedd dwyieithog o ansawdd uchel. Ymuna â’n tîm!

Pam y byddi di wrth dy fodd yn gweithio yn ProMo Cymru:

• Gweithio hyblyg a hybrid: Gweithio o’n swyddfa yng Nghaerdydd, yn gyfan gwbl adref unrhyw le yng Nghymru, neu gymysgedd o’r ddau. Hefyd, byddi di’n cael hyd at 4 wythnos y flwyddyn yn gweithio i ffwrdd o dy leoliad gwaith arferol yng Nghymru!
• Cyflawni newid: Rydym yn sefydliad trydydd sector ac yn fenter gymdeithasol sy’n gweithio gyda phobl a chymunedau i sicrhau eu bod yn cael eu clywed.
• Bod yn rhan o dîm: Byddi di’n gweithio ochr yn ochr â thîm o grewyr angerddol a chefnogol yn cyflwyno prosiectau cyffrous.
• Diwylliant cefnogol: Rydym yn weithle cyfeillgar, cydweithredol, a chynhwysol. Rydym yn ymddiried yn ein pobl, yn annog syniadau newydd, ac yn sicrhau bod pawb yn teimlo fel eu bod yn cael eu gwerthfawrogi, eu cefnogi, a’u clywed.
• Buddiannau: 25 diwrnod o wyliau (yn codi i 30) + gwyliau’r banc. Cynllun pensiwn hael (cyfraniad cyflogwr o hyd at 6%). Cynllun beicio i’r gwaith.

Yr hyn byddi di’n gwneud:

• Cynllunio a chreu cynnwys dwyieithog deniadol (blogiau, cyfryngau cymdeithasol, fideos, cylchlythyrau)
• Cyfieithu cynnwys yn gywir rhwng y Saesneg a’r Gymraeg
• Arwain ar ymgyrchoedd digidol cyffrous a rheoli prosiectau creadigol
• Cydweithio a chyd-gynhyrchu cynnwys gyda phobl ifanc, cymunedau a chleientiaid

Cysyllta os:

• Rwyt ti’n rhugl yn y Gymraeg a gyda sgiliau ysgrifennu, prawf ddarllen, a chyfieithu eithriadol
• Mae gen ti gefndir neu gymhwyster cyfathrebu, newyddiaduraeth, cyfryngau, neu faes creadigol fel arall
• Mae gen ti brofiad profedig o ysgrifennu cynnwys diddorol sy’n canolbwyntio ar y gynulleidfa
• Rwyt ti’n weithiwr trefnus, annibynnol, yn dysgu yn sydyn, a gydag agwedd bositif “gallaf i”. 

---

Lleoliad: Hybrid (Gweithio o gartref a/neu ein swyddfa yng Nghaerdydd)
Cyflog:  £26708 - £30,327 
Oriau: 35 awr yr wythnos
Dyddiad cau: Dydd Gwener, 24 Gorffennaf 2026, 5yh
Cyfweliadau: Dydd Mercher, 12 Awst a dydd Iau, 13 Awst 2026 mewn person yn ein swyddfa yng Nghaerdydd

---

Gyda diddordeb?

Edrychwn ymlaen at glywed gen ti!

Am wybodaeth bellach cysyllta â: people@promo.cymru

Manylion pellach am ProMo Cymru: www.promo.cymru

Gyrra’r ffurflen gais wedi’i llenwi i people@promo.cymru. Os wyt ti angen cymorth i lenwi’r ffurflen e-bostia.